الماضي
وجايى تفتش الماضى ؟
خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟
**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى
الرئيسية 
موضوع: .الشاعر السوداني التجاني الحاج موسي وقصيدتة الماضى 
